Հանքարդյունաբերության կառուցվածքը ԱՄՆ-ում

ԱՄՆ-ի հանքաարդյունաբերությունը բաժանվում է 3 հիմնական խմբերի՝ ածխի արդյունաբերություն (42%), ոչ մետաղական (37%) և մետաղական հանքանյութերի արդյունաբերություն (21%): 2011թ. ԱՄՆ-ի հանքաարդյունաբերությունը կազմել է 232 մլրդ. դոլար, որը ՀՆԱ-ի 1.5 տոկոսն է:

Հանքարդյունաբերությունում 2 111 230 մարդ է աշխատում, որից 806 680-ը՝ ածխի
արդյունաբերությունում(38%), 380 970-ը՝ մետաղական հանքանյութերի արդյունաբերությունում(18%), 924 580-ը՝ ոչ մետաղական հանքանյութերի արդյունաբերությունում(44%): Հանքաարդյունաբերությունում աշխատողների տարեկան եկամուտները կազմում են 138.2 մլրդ դոլար, որից 53.4 մլրդ-ը՝ ածխի արդյունաբերությունում(38%), 27.2 մլրդ-ը՝ մետաղական հանքանյութերի արդյունաբերությունում(20%), 57.6 մլրդ-ը՝ ոչ մետաղական հանքանյութերի արդյունաբերությունում(42%):

Հանքաարդյունաբերությունում աշխատողների միջին տարեկան աշխատավարձը կազմում է՝ 81 258 դոլար՝ ածխի արդյունաբերությունում, 85 400 դոլար՝ մետաղական հանքանյութերի արդյունաբերությունում, 54 047 դոլար՝ ոչ մետաղական հանքանյութերի արդյունաբերությունում:

Հանքաարդյունաբերությունում աշխատողների միջին տարեկան աշխատավարձը մասնավոր հատվածի միջին աշխատավարձի նկատմամբ ավել է 65 %-ով՝ ածխի արդյունաբերությունում, 78 %-ով՝ մետաղական հանքանյութերի արդյունաբերությունում, 12 %-ով՝ ոչ մետաղական հանքանյութերի արդյունաբերությունում:

Հանքաարդյունաբերությունը ընդհանուր առմամբ վճարում է 51 մլրդ. դոլար հարկեր և տուրքեր, որից 30 մլրդ դոլարը՝ ֆեդերալ բյուջե, 21 մլրդ դոլարը՝ նահանգային և տեղական բյուջեներ:

Աղբյուրը՝ ԱՄՆ-ի Հանքաարդյունաբերողների ազգային միության 2013թ-ի հաշվետվությունը